изведба на сауната
Секој слободен простор како што е бања која ретко се употребува, плакар, поткровје, простор под скалите може да биде претворен во сауна т.е место за ваша релаксација и уживање.
Изведбата на сауната е возможна во најразлични форми и димензии. Во зависност од нивото на опременост и луксуз, суната може да биде изведена од повеке типови на дрво: финска смрека , бел бор, кедар, старо патинирано дабово дрво, африканско меко дрво абачи, хемлок или маретијал за PlySauna –плочест материјал за изведба на сауни со неограничен избор на бои и дезени.. Секој од овие типови на дрвен материјал за сауна е доволно добар, со сопствени карактеристики и особености, но најбитно од се тоа се материјали кој претходно се обработени и наменети за изведба на сауна. Тие се со ниско ниво на смола во нив како и ниско ниво на влага (под 3%) што им овозможува долготрајна трајност иако се изложени на високата температура во сауната.

 Сауните се двојно термички изолирани ( минерална термичка изолација + алуминиумска фолија) од останатиот простор со цел задржување на топлината и заштеда на електрична енергија. Сауните се комплетно опремени со сите неопходни елементи и акцесоари како: електрична печка со вулкански камења, ведро со црпалка, ароматизер, песочен часовник, термо-хидро метар. Целосно стаклената врата, стаклените површини и каменот ке дадат дополнителен луксуз на вашата сауна. ДОДАЈТЕ ДОПОЛНИТЕЛНА ВРЕДНОСТ ВО ВАШИОТ ДОМ

Електричната печка за сауна е срцето на сауната. Нашата компанија работи со производите на финскиот производител HARVIA, компанија која има долго годишно искуство во проектирањето и производството на високо квалитетни печки за сауна, уреди за нивно контролирање, материјали за производство на сауни ( домашни или за јавна намена) како и акцесоари за сауни.
Јачината на самата печка за сауна е во зависност од големината т.е волуменот на воздухот кој треба да се загрее во сауната. За домашни сауни како и за сауни кој се со јавна намена но не се со големи димензии, се користат печки кој имаат јачина од 3,5kw до 9kw. Управувањето со печките за сауна е возможно на два начина. Едниот начин е управување преку вградените команди во самата печка за сауна, преку кој е воможно избот на време на работа на сауната, одложено вклучување на сауната, како и избор на температура на работа на сауната. Овој тип на управување со печката за сауна е наменет повеќе за домашни сауни. Доколку сакате поголем комфорт во управувањето со сауната ( печка, температура на работа, осветлување) во тој случај се користат надворешните аналогни и дигитални контролори со различен дизајн и јачина која зависи од јачината на печката за сауна.
3,5 kW  - за сауна со волумен на воздух од   2-4,5 m³
4,5 kW  - за сауна со волумен на воздух од   3-6 m³
6,0 kW  - за сауна со волумен на воздух од   5-9 m³
8,0 kW  - за сауна со волумен на воздух од  7-12 m³
9,0 kW  - за сауна со волумен на воздух од  8 - 14 m³
За сауни со поголеми димензии и волумен на воздух се користат специјални печки наменети за непрекината работа кој се со јачина од 10,5kw до 33 kw.

Стаклените врати за сауни се изработени од 8мм калено стакло, со две или три шатки од нергосувачки челик, дрвена или пласт-масова рачка и боја на стакло по избор на клиентот. Касата е изработена од бел бор (или од тиково дрво кај парните бањи) и истата е со димензии  1910 х 710мм. Како фирма со долгогодишно искуство во изведба на сауни, можеме на нашите клиенти да им понудиме и сауни со целосно стаклен преден панел, како и сауни кој имаат одредени стаклени елементи ( прозори, панели ) кој даваат дополнителна светлина, уникатност и индивидуалност на сауната.

Процесот на изведбата на сауната започнува со земање на мерки од просторот, изведба на шема за возможниот распоред на клупите и печката во сауната, дефинирање на материјалите за изработка и започнување со изведба на сауната.
Од моментот на земени мерки од просторот до изведба на сауната во истиот тој простор, нам ни се потребни максимум седум до десет дена.